ନୂଆଦିଲ୍ଲୀ: ଆଜି କୋଲକାତାର ଇଡେନ୍ ଗାର୍ଡେନ୍ସରେ ଭାରତ ଏବଂ ଦକ୍ଷିଣ ଆଫ୍ରିକା ମ୍ୟାଚ ଚାଲିଥିବାବେଳେ ଏବେ ଏହାକୁ ନେଇ ଏକ ଅପଡେଟ ସାମ୍ନାକୁ ଆସିଛି। ବାସ୍ତବରେ ମ୍ୟାଚକୁ ନେଇ କୋଲକାତା ପୁଲିସ ବିସିସିଆଇ ବା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡକୁ ନୋଟିସ ପଠାଇଛି। ବାସ୍ତବରେ କ୍ରିକେଟ ପ୍ରଶଂସକମାନେ ଟିକେଟ୍ ବିକ୍ରିରେ କଳାବଜାରୀ କରାଯାଉଛି ବୋଲି ଅଭିଯୋଗ କରିଥିଲେ। ଏନେଇ ଅଭିଯୋଗ ପଞ୍ଜୀକୃତ ହେବା ପରେ କୋଲକାତା ପୁଲିସ ବିସିସିଆଇକୁ ନୋଟିସ ଜାରି କରିଛି। ମ୍ୟାଚ୍ ପାଇଁ ଟିକେଟ୍ ବିକ୍ରି ସମ୍ପର୍କରେ ପୁଲିସ ବିସିସିଆଇରୁ ସୂଚନା ମାଗିଛି। ବିଶ୍ୱକପ୍ ମ୍ୟାଚ୍ ପାଇଁ ଟିକେଟ୍ ବିକ୍ରିରେ କଳାବଜାରୀ ହେଉଥିବା ନେଇ କୋଲକାତା ପୁଲିସ ମାମଲା ରୁଜୁ କରିଛି। ଏହା ପରେ ପୁଲିସ ବେଙ୍ଗଲ କ୍ରିକେଟ୍ ଆସୋସିଏସନର ଅଧିକାରୀ ଏବଂ ଟିକେଟ୍ ବୁକିଂ ଅନ୍ଲାଇନ୍ ପୋର୍ଟାଲକୁ ଥାନାକୁ ଡକାଇଥିଲା। ବାସ୍ତବରେ ବୁଧବାର ଦିନ କୋଲକାତାର ମୈଦାନ ପୁଲିସ ଷ୍ଟେସନରେ ଏକ ମାମଲା ରୁଜୁ ହୋଇଥିଲା ଯେଉଁଥିରେ କ୍ରିକେଟ୍ ପ୍ରଶଂସକମାନେ ଅଭିଯୋଗ କରିଥିଲେ ଟିକେଟ ବିକ୍ରି ଯେତିକି ହେଉନାହିଁ, ତାହାଠାରୁ ଅଧିକ କଳାବଜାରୀ ହେଉଛି।
କ୍ରିକେଟ ପ୍ରଶଂସକମାନେ ଅଭିଯୋଗ କରିଥିଲେ ଯେ ଟିକେଟ୍ ବିକ୍ରି ପଛରେ ବେଙ୍ଗଲ କ୍ରିକେଟ୍ ଆସୋସିଏସନ୍ ଏବଂ ବିସିସିଆଇ ଅଧିକାରୀଙ୍କ ସହ ଏକ ଅନଲାଇନ୍ ପୋର୍ଟାଲ୍ ମଧ୍ୟରେ ଅସାଧୁ କାରବାର ହୋଇଛି। ପୁଲିସକୁ ଦିଆଯାଇଥିବା ଅଭିଯୋଗରେ କୁହାଯାଇଛି ଯେ ବିସିସିଆଇ ଏବଂ ବେଙ୍ଗଲ କ୍ରିକେଟ ଆସୋସିଏସନର କିଛି ଅଧିକାରୀ ଅନଲାଇନ୍ ଟିକେଟ୍ ବୁକିଂ ପୋର୍ଟାଲର ସହଯୋଗରେ ବହୁ ସଂଖ୍ୟାରେ ଟିକେଟ ରିଜର୍ଭ କରି ରଖିଦେଇଥିଲେ। ଏହି କାରଣରୁ ଟିକେଟ ମିଳିନଥିଲା କିନ୍ତୁ ପର୍ଯ୍ୟାପ୍ତ ସଂଖ୍ୟକ ଟିକେଟ କଳାବଜାରୀ ହୋଇଥିଲା। ଗଣମାଧ୍ୟମ ରିପୋର୍ଟ ଅନୁଯାୟୀ, କୋଲକାତା ପୁଲିସର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଶନିବାର ସନ୍ଧ୍ୟାରେ ବିସିସିଆଇକୁ ଏକ ନୋଟିସ ପଠାଯାଇଛି। ବିସିସିଆଇ ସଭାପତି ରୋଜର ବିନିଙ୍କ ନାମରେ ଏହି ନୋଟିସ ଜାରି କରାଯାଇଛି। ଯେଉଁଥିରେ ଟିକେଟ୍ ବିକ୍ରି ସହ ଜଡିତ ଦଲିଲଗୁଡିକ ମୈଦାନ ପୁଲିସ ଷ୍ଟେସନରେ ଦାଖଲ କରିବାକୁ କୁହାଯାଇଛି। ତେବେ କାର୍ଯ୍ୟାନୁଷ୍ଠାନ ସ୍ୱରୂପ ଟିକେଟ୍ କଳାବଜାରୀକୁ ନେଇ କୋଲକାତା ପୁଲିସ ଏପର୍ଯ୍ୟନ୍ତ ୧୯ ଜଣଙ୍କୁ ଗିରଫ କରିଛି ଏବଂ ସେମାନଙ୍କଠାରୁ ୧୦୮ଟି ଟିକେଟ୍ ଜବତ କରାଯାଇଛି।
ଭାରତ-ଦକ୍ଷିଣ ଆଫ୍ରିକା ମ୍ୟାଚକୁ ନେଇ ବିସିସିଆଇକୁ ନୋଟିସ ପଠାଇଲା କୋଲକାତା ପୁଲିସ
Share Now: