ଯାଜପୁର: ବନ୍ଦ ଖଣିରୁ ଲୁହାପଥର ଚୋରା ଚାଲଣ କରି ମାଲେମାଲ ହେଉଥିବା ଟ୍ରକକୁ ଜବତ କରିଛି ଟମକା ଫରେଷ୍ଟ ସ୍ବାର୍ଡ। ଟମକା ନିକଟ ଚମ୍ପାଝରଠାରେ ଓଏମସିର ଥିବା ଲୁହାପଥର ଖଣି ୧୯୮୭ ମସିହାରୁ ବନ୍ଦ ହୋଇ ରହିଛି। ତେବେ ଏହାର ସୁଯୋଗ ନେଇ କିଛି ଲୋକ ସେଠାରୁ ଲୁହାପଥର ଚୋରା ଚାଲାଣ କରିବାରେ ଲାଗି ପଡିଥିଲେ। ତେବେ ଏନେଇ ଖବର ପାଇ ଗତକାଲି ବିଳମ୍ବିତ ରାତିରେ ଟମକା ଫରେଷ୍ଟ ସ୍ବାର୍ଡ ପକ୍ଷରୁ ଟମକା ସୁରକ୍ଷିତ ଜଙ୍ଗଲରେ ଚଢ଼ାଉ କରାଯାଇଥିଲା। ସେହିପରି ଚୋରା ଲୁହାପଥର ଭତ୍ତି ୧୦ ଚକିଆ ଟ୍ରକ ଓ ଏକ ଜେସିବିକୁ ଜବତ କରାଯାଇଛି। କିନ୍ତୁ ଡ୍ରାଇଭର ଫେରାର ହୋଇଯାଇଛନ୍ତି। ତେବେ ଏହି ଚଢ଼ାଉରେ ଫରେଷ୍ଟର ଚିତ୍ତରଞ୍ଜନ ବିଶ୍ବାଳ,ବିଜୟ ଗୁରୁ,ଆଶୁତୋଷ ରଥ,ଅକ୍ଷୟ ମହନ୍ତ ଓ ସଂଜୟ ଦେହୁରୀ ପ୍ରମୁଖ ସାମିଲ ହୋଇଥିଲେ।
Share Now: