ରାଜକନିକା: ରାଜକନିକା ଅଞ୍ଚଳରେ ଆଇନଶୃଙ୍ଖଳା ଦିନକୁ ଦିନ ବିଗିଡ଼ିବାକୁ ବସିଛି। ଦିନକୁ ଦିନ ଲୁଟେରାମାନଙ୍କ ପ୍ରାଦୁର୍ଭାବ ବଢିବାରେ ଲାଗିଛି। ଗାଁ ଗହଳି, ରାସ୍ତାଘାଟ, ଦୋକାନ, ବଜାରରେ ଲୁଟେରାମାନେ ପୁଲିସକୁ ଚକମାଦେଇ ଦିନଦ୍ବିପ୍ରହରରେ ଲୁଟପାଟ କରୁଛନ୍ତି। ଗତକାଲି ଏକ ମହିନ୍ଦ୍ରା କାର୍ କାଚ ଭାଙ୍ଗି ୧ ଲକ୍ଷ ୭୭ହଜାର ଟଙ୍କା ଏବଂ ମୋବାଇଲ ଲୁଟ୍ ହୋଇଛି। ଅଭିଯୋଗ ମୁତାବକ, ରାଜକନିକା ଥାନା ଅନ୍ତର୍ଗତ କାଟଣା ସିଙ୍ଗିଡ଼ି ଗ୍ରାମର ହେମନ୍ତ ସାମଲ ମହିନ୍ଦ୍ରା କାର (ନଂ: ଓଡି୦୨–ବିଟି–୫୩୩୩) ଘର ଆଗରେ ରଖିଥିଲେ। କାର ଭିତରେ ଲୋକମାନଙ୍କ ମଜୁରି ବାବଦକୁ ୧ଲକ୍ଷ ୭୭ ହଜାର ଟଙ୍କା ରଖିଥିଲେ। ତ୍ରୈଲୋକ୍ୟପୁର ଅଞ୍ଚଳର ଜଣେ ଯୁବକ ଓ ତାଙ୍କର ଦୁଇଜଣ ସହଯୋଗୀ କାର୍ କାଚ ଭାଙ୍ଗି ଭିତରେ ଥିବା ମୋବାଇଲ ଓ ଟଙ୍କା ନେଇ ପଳାଇଥିଲେ। ଏ ସମ୍ପର୍କରେ ରାଜକନିକା ଥାନାରେ ଅଭିଯୋଗ କରିବା ପରେ ବି ଏ ପର୍ଯ୍ୟନ୍ତ ପୁଲିସ୍ ଲୁଟେରାଙ୍କୁ ଧରିବାରେ ସକ୍ଷମ ହୋଇପାରିନାହିଁ।
କାର୍ କାଚ ଭାଙ୍ଗି ଲୁଟେରା ନେଇଗଲେ ୧.୭୭ ଲକ୍ଷ
Share Now: