ଭୁବନେଶ୍ୱର : ଆଜି ବମିଖାଲ ସ୍ଥିତ କଳିଙ୍ଗ ଆୟୁର ହେଲଥ କେୟାରରେ ସୁନାମଧନ୍ୟ ଔଷଧ କମ୍ପାନୀ ଡାବର ଓ ରୋଟାରି କ୍ଲବ ଅଫ ସ୍ମାର୍ଟ ସିଟି ଭୁବନେଶ୍ୱରର ମିଳିତ ସହଯୋଗରେ ଏକ ନିଃଶୁଳ୍କ ଶିଶୁ ସ୍ୱାସ୍ଥ୍ୟ ପରୀକ୍ଷା ଅନୁଷ୍ଠିତ ହୋଇଯାଇଛି। ଏହି ଅବସରରେ ରୋଟାରିଆନ ଡିଜିଏନ ଯଜ୍ଞଶୀଷ ମହାପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ଉଦଘାଟନ କରିବା ସହିତ ପିଲାମାନଙ୍କୁ ସ୍ବର୍ଣ୍ଣପ୍ରାଶନ କରାଇଥିଲେ। ସେ କହିଥିଲେ ଯେ ଆୟୁର୍ବେଦ ହେଉଛି ଭାରତୀୟ ଉପମହାଦେଶରେ ବୈଦିକ ସଭ୍ୟତାର ଆରମ୍ଭରୁ ଆୟୁର୍ବେଦ ସମସ୍ତ ମାନବୀୟ ରୋଗ ନିବାରଣର ମୂଳ ଥିଲା। କିନ୍ତୁ ସମୟକ୍ରମେ ଆମେ ସେଥିରୁ ଦୂରରୁ ଦୁରକୁ ଚାଲିଗଲୁ ,ଯାହାର ଫଳ ସ୍ୱରୂପ ଆଜିକାଲି ଆମେ ଅନେକ ଦୁରାରୋଗ୍ୟ ବ୍ୟାଧିରେ ପଡୁଛେ ଓ ଖର୍ଚ୍ଚାନ୍ତ ହେଉଛେ। କିନ୍ତୁ ଆୟୁର୍ବେଦୀୟ ଔଷଧ କମ ଖର୍ଚ୍ଚରେ ମିଳିବା ସହିତ ଅନେକ ଦୁରାରୋଗ୍ୟ ବ୍ୟାଧିରୁ ମୁକ୍ତି ପାଇ ପାରିବା।
ଏହି ଶିଶୁ ସ୍ୱାସ୍ଥ୍ୟ ଶିବିରରେ ଆଜି ୩୫ରୁ ଉର୍ଦ୍ଧ୍ବ ଶିଶୁ ଯୋଗଦେଇ ସେମାନଙ୍କ ସ୍ୱାସ୍ଥ୍ୟ ପରୀକ୍ଷା କରାଇବା ସହିତ ସ୍ବର୍ଣ୍ଣପ୍ରାଶନର ଲାଭ ନେଇଥିଲେ। ଏହି ଶିବିରରେ ରୋଟାରି କ୍ଲବ ସ୍ମାର୍ଟ ସିଟି ଭୁବନେଶ୍ୱରର ସଭାପତି ଜ୍ୟୋତିଭୂଷଣ ମହାପାତ୍ର , କ୍ଲବ ଉପଦେଷ୍ଟା ରୋଟାରୀଆନ ଅନିଲ ଶାହା, କ୍ଲବ ଉପସଭାପତି ସୁନୀଲ କୁମାର ଦେ, ଡାକ୍ତର କାନନବାଳା ମହାନ୍ତି ,ଡାବର ପକ୍ଷରୁ ଦିଲ୍ଲୀପ ବାବୁ ପ୍ରମୁଖ ଯୋଗଦେଇ କାର୍ଯ୍ୟକ୍ରମକୁ ସଫଳ କରାଇଥିଲେ।
