ମୁମ୍ବାଇ: ଭାରତର ପ୍ରସିଦ୍ଧ ବ୍ୟବସାୟୀ ମୁକେଶ ଅମ୍ବାନୀଙ୍କ ପୁଅ ଅନନ୍ତ ଅମ୍ବାନୀଙ୍କ ସହ ତାଙ୍କ ପ୍ରେମିକା ରାଧିକା ମରଚାଣ୍ଟଙ୍କର ନିର୍ବନ୍ଧ ଅନୁଷ୍ଠିତ ହୋଇଯାଇଛି। ରାଜସ୍ଥାନର ନାଥଦ୍ୱାରରେ ଥିବା ଶ୍ରୀନାଥଜୀ ମନ୍ଦିରରେ ଗୁରୁବାର ଅନନ୍ତ ଏବଂ ରାଧିକାଙ୍କ ନିର୍ବନ୍ଧ ଉତ୍ସବ ଅନୁଷ୍ଠିତ ହୋଇଯାଇଛି। ଏହା ପରେ ମୁମ୍ବାଇରେ ଅମ୍ବାନୀଙ୍କ ଘର ଆଣ୍ଟିଲାଠାରେ ବିଳମ୍ବିତ ରାତିରେ ଏକ କାର୍ଯ୍ୟକ୍ରମ କରାଯାଇଥିଲା। ଯେଉଁଥିରେ ଅନେକ ସେଲିବ୍ରିଟି ଯୋଗ ଦେଇଥିଲେ। ଏହି ସମୟରେ ବଲିଉଡ କଣ୍ଠଶିଳ୍ପୀ ମିକା ସିଂ ମଧ୍ୟ ଗୀତ ଗାଇଥିଲେ।
କିନ୍ତୁ ଆପଣ ଜାଣିଛନ୍ତି କି ମିକା ସିଂ ଗୀତ ଗାଇବା ପାଇଁ ମୋଟା ଅଙ୍କର ଅର୍ଥ ନେଇଛନ୍ତି। ମିକା ସିଂଙ୍କ ନାମ ବଲିଉଡର ଭେଟେରାନ୍ କଣ୍ଠଶିଳ୍ପୀଙ୍କ ତାଲିକାରେ ଥିବାବେଳେ ସେ ତାଙ୍କର କଣ୍ଠସ୍ୱରରେ ସହଜରେ ସମସ୍ତଙ୍କ ହୃଦୟ ଜିତନ୍ତି। ଗତକାଲି ରାତିରେ ଅମ୍ବାନୀଙ୍କ ଘର ଆଣ୍ଟିଲାରେ ମଧ୍ୟ ମିକା ଗୀତ ଗାଇଥିଲେ। ଏହି ସମୟର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଅନ୍ୟପକ୍ଷରେ, ଅନେକ ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ମିକା ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ କାର୍ଯ୍ୟକ୍ରମ ପାଇଁ କୋଟିଏରୁ ଅଧିକ ଟଙ୍କା ଚାର୍ଜ କରିଛନ୍ତି। ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଗୀତ ଗାଇବା ପାଇଁ ମିକା ସିଂ ପ୍ରାୟ ଦେଢ଼ କୋଟି ଟଙ୍କା ନେଇଛନ୍ତି। ଆଶ୍ଚର୍ଯ୍ୟଜନକ କଥା ହେଉଛି ମିକା ସିଂ ମାତ୍ର ଦଶ ମିନିଟର ପ୍ରଦର୍ଶନ ପାଇଁ ଏହି ଫି ନେଇଛନ୍ତି। ଉଲ୍ଲେଖ ଥାଉ କି ରାଜସ୍ଥାନରେ ନିର୍ବନ୍ଧ ସମାରୋହ ହେବା ପରେ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ପରିବାର ମୁମ୍ବାଇକୁ ଫେରିଥିଲେ। ଯେଉଁଠାରେ ବିଳମ୍ବିତ ରାତିରେ ଏକ ଗ୍ରାଣ୍ଡ ପାର୍ଟିର ଆୟୋଜନ କରାଯାଇଥିଲା। ଏହି ପାର୍ଟିରେ ବଲିଉଡ ସୁପରଷ୍ଟାର ସଲମାନ ଖାନ, ଶାହରୁଖ ଖାନ ଏବଂ ରଣବୀର କପୁରଙ୍କ ଚଳଚ୍ଚିତ୍ର ତାରକା ଯୋଗ ଦେଇଥିଲେ।
ଦଶ ମିନିଟ ଗାଇବା ପାଇଁ ଦେଢ଼ କୋଟି ଟଙ୍କା ନେଲେ ମିକା
Share Now: