କଲ୍ୟାଣସିଂହପୁର: ରାୟଗଡ଼ ଜିଲ୍ଲା କଲ୍ୟାଣସିଂହପୁର ବ୍ଲକ ଧାମୁଣିପଙ୍ଗା ପଞ୍ଚାୟତ ଅନ୍ତର୍ଗତ ଖୁଦଭଟା ଗାଁରେ ଅଚାନକ ନିଆଁ ଲାଗି ୩୦ କୁଇଣ୍ଟାଲ ଧାନ ଜଳିଯାଇଥିବା ଖବର ମିଳିଛି। ଖୁଦଭଟା ଗାଁର ଲକ୍ଷ୍ମଣ କର୍ଷିକା ନିଜ ଜମିରେ ଧାନ ଅମଳ କରି ଖଳାରେ ଧାନ ମଡ଼ାଇ ରଖିଥିବା ବେଳେ ତାହା କୌଣସି କାରଣରୁ ଅଚାନକ ନିଆଁ ଲାଗି ଅମଳ କରିଥିବା ୩୦( ପ୍ୟାକେଟ) କୁଇଣ୍ଟାଲ ଧାନ ପୋଡୁଥିବା କିଛି ଲୋକ ଦେଖି ଲକ୍ଷ୍ମଣଙ୍କୁ କହିଥିଲେ। ଏହାଦେଖି ଗ୍ରାମବାସୀ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଯୋଗାଯୋଗ କରିଥିଲେ। ଅଗ୍ନିଶମ ଗାଡ଼ି ଆସିବା ବେଳେ ଗାଁର କିଛି ଲୋକ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ। ତେବେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା। ନିଆଁ ଲାଗି ଧାନ ପୋଡି ଯାଇଥିବାରୁ ଚାଷୀ କିପରି ପରିବାର ଭରଣ ପୋଷଣ କରିବି ବୋଲି ଲକ୍ଷ୍ମଣ କର୍ଷିକା ଚିନ୍ତାରେ ପଡ଼ିଛନ୍ତି। ସରକାରଙ୍କ ପକ୍ଷରୁ ସହାୟତା ଯୋଗାଇ ଦେବା ପାଇଁ ଗ୍ରାମବାସୀ ଅନୁରୋଧ କରିଛନ୍ତି।
Share Now:
