ଭୁବନେଶ୍ୱର: ଜଣେ ଅବସରପ୍ରାପ୍ତ ରେଲବାଇ ଅଧିକାରୀ ନା କୁବେର! ଏତେ ଟଙ୍କା ଓ ସୁନା ନା ଦେଖିଲେ ବିଶ୍ୱାସ ହେବନି। ସିବିଆଇ ପକ୍ଷରୁ ଚଢ଼ଉ ସମୟରେ ରେଳବାଇର ପୂର୍ବତନ ଅଧିକାରୀ ପ୍ରମୋଦ ଜେନାଙ୍କ ଘରୁ ବିପୁଳ ପରିମାଣର ସୁନା ଓ ନଗଦ ଟଙ୍କା ସମେତ ଅନ୍ୟ ସଂପତ୍ତି ଠାବ ହୋଇଥିବା ଜଣାପଡ଼ିଛି। ସୂଚନା ଅନୁସାରେ ରେଳବାଇର ପୂର୍ବତନ ଅଧିକାରୀ ପ୍ରମୋଦ ଜେନାଙ୍କ ଘରେ କୋଟି କୋଟି ଟଙ୍କାର ସୁନା ସହିତ ନଗଦ ଥିବା ନେଇ ସିବିଆଇକୁ ସୂଚନା ମିଳିଥିଲା। ସୂଚନା ଆଧାରରେ ସିବିଆଇର ଅଧିକାରୀ ଓ କର୍ମଚାରୀମାନେ ଯୋଜନା ଅନୁସାରେ ଅତର୍କିତ ଚଢ଼ଉ କରିଥିଲେ। ଚଢ଼ଉ ସମୟରେ ୧୭ କିଲୋ ସୁନା, ୧ କୋଟି ୫୭ ଲକ୍ଷ ନଗଦ ଟଙ୍କା ଠାବ ହୋଇଛି। ଠାବ ହୋଇଥିବା ସୁନାର ମୂଲ୍ୟ ପ୍ରାୟ ୮ କୋଟି ୫୦ ଲକ୍ଷ ଟଙ୍କା ବୋଲି ଜଣାପଡ଼ିଛି। ସେହିପରି ୨ କୋଟି ୫୦ ଲକ୍ଷ ଟଙ୍କାର ଫିକ୍ସଡ ଡିପୋଜିଟ୍ ମଧ୍ୟ ଠାବ ହୋଇଛି। ଏଥି ସହିତ ଭୁବନେଶ୍ୱର ସମେତ ୬ଟି ସ୍ଥାନରେ ସିବିଆଇ ଚଢ଼ଉ କରିଛି। ପ୍ରମୋଦ ଜେନାଙ୍କ ସଂପତ୍ତି ଆକଳନ ହୋଇପାରି ନାହିଁ। ଆକଳନ ହେଲା ପରେ ଶ୍ରୀ ଜେନାଙ୍କ ସଂପତ୍ତି ବିଷୟରେ ଜଣାପଡ଼ିବ।
ଅବସରପ୍ରାପ୍ତ ରେଳବାଇ ଅଧିକାରୀ ନା କୁବେର : ଚଢ଼ାଉ ପରେ ୧୭ କିଲୋ ସୁନା, ଦେଢ଼ କୋଟି ଟଙ୍କା ଠାବ
Share Now: