ନୂଆଦିଲ୍ଲୀ: ଛତିଶଗଡ଼ର ରାଜଧାନୀ ରାୟପୁରରୁ ମଙ୍ଗଳବାର ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଏଠାରେ କିଛି ଯୁବକ ସେମାନଙ୍କ ଦାବି ନେଇ ରାସ୍ତାରେ ଉଲଗ୍ନ ହୋଇ ବିରୋଧ ପ୍ରଦର୍ଶନ କରିବାକୁ ବାଧ୍ୟ ହୋଇଥିଲେ। ଏହି ଯୁବକମାନେ ରାଜ୍ୟରେ ସରକାରୀ ଚାକିରିରେ ନକଲି ଜାତିପ୍ରମାଣ ପତ୍ରର ସମସ୍ୟା ପ୍ରସଙ୍ଗକୁ ନେଇ ସରକାରଙ୍କୁ ଦୃଷ୍ଟି ଦେବାକୁ ଦାବି କରିଛନ୍ତି। ଏଥିସହିତ ଯେଉଁମାନେ ନକଲି ଜାତି ପ୍ରମାଣ ପତ୍ରରେ ଚାକିରି କରୁଛନ୍ତି ସେମାନଙ୍କର ଯାଞ୍ଚ କରାଯାଉ ବୋଲି ଦାବି ନେଇ ଯୁବକମାନେ ଉଲଗ୍ନ ହୋଇ ରାସ୍ତାକୁ ଓହ୍ଲାଇ ବିରୋଧ ପ୍ରଦର୍ଶନ କରିଥିଲେ। ଏଭଳି ବିରୋଧ ପ୍ରଦର୍ଶନ ରାଜ୍ୟରେ ପ୍ରଥମ ଘଟଣା ବୋଲି କୁହାଯାଉଛି। ସମସ୍ତ ପ୍ରଦର୍ଶନକାରୀ ଉଲଗ୍ନ ହୋଇ ବିଧାନସଭା ଘେରାଉ କରିବା ପାଇଁ ବାହାରିଥିଲେ। ଏହି ସମୟରେ ପୁଲିସ ସମସ୍ତ ପ୍ରଦର୍ଶନକାରୀଙ୍କୁ ଗିରଫ କରି ନେଇଥିଲା। ଏହି ଘଟଣାର ଏକ ଭିଡିଓ ବି ସୋସିଆଲ ମିଡିଆରେ ସାମ୍ନାକୁ ଆସିଛି।
ନକଲି ଜାତି ପ୍ରମାଣପତ୍ରକୁ ନିଆରା ପ୍ରତିବାଦ : ଉଲଗ୍ନ ହୋଇ ରାସ୍ତାକୁ ଆସିଲେ ବିକ୍ଷୋଭକାରୀ
Share Now: