ଚଣ୍ଡୀଗଡ଼: ପଞ୍ଜାବୀ ଗାୟକ ସିଦ୍ଧୁ ମୋସେୱାଲା ହତ୍ୟା ମାମଲାରେ ତାଙ୍କ ପରିବାର ନ୍ୟାୟ ପାଇନଥିବା ଅଭିଯୋଗ କରିଛନ୍ତି। ସିଦ୍ଧୁ ମୁସେୱାଲାଙ୍କ ପିତା ବଲକୌର ସିଂ ଦାବି କରିଛନ୍ତି ଯେ ତାଙ୍କ ପୁଅ ହତ୍ୟା ମାମଲାରେ ଏପର୍ଯ୍ୟନ୍ତ ନ୍ୟାୟ ମିଳିପାରୁନାହିଁ। ମୁସେୱାଲାଙ୍କ ପିତା ତାଙ୍କ ବିବୃତ୍ତିରେ ଏଫଆଇଆର ପ୍ରତ୍ୟାହାର କରିବା ସହିତ ଭାରତ ଛାଡିବା କଥା କହିଛନ୍ତି। ସିଦ୍ଧୁ ମୁସେୱାଲାଙ୍କ ପିତା ବଲକୌର ସିଂ କହିଛନ୍ତି ଯେ, ‘ନଭେମ୍ବର ୨୫ ପରେ ମୋ ସହ ପୁରା ପରିବାର ଭାରତ ଛାଡି ବିଦେଶ ପଳାଇବୁ। ଏହା ବ୍ୟତୀତ ମୁଁ ପୁଅର ହତ୍ୟାର ଏଫଆଇଆର ମଧ୍ୟ ପ୍ରତ୍ୟାହାର କରିବି।
ଏହି ହତ୍ୟାକାଣ୍ଡକୁ ନେଇ ପ୍ରଶାସନ ବିରୋଧରେ ଗୁରୁତର ଅଭିଯୋଗ ଆଣି ସେ କହିଛନ୍ତି ଯେ ପୁଲିସ ଆମକୁ ନ୍ୟାୟ ଦେଇପାରି ନାହିଁ। ସିଦ୍ଧୁଙ୍କ ଆଇଫୋନ୍ ମଧ୍ୟ ଖୋଲା ଯାଇଥିଲା କିନ୍ତୁ ଲରେନ୍ସ ବିଷ୍ଣୋଇଙ୍କ ବି ଟିମ୍ ଏବେ ମଧ୍ୟ କାର୍ଯ୍ୟ କରୁଛି। ଉଲ୍ଲେଖ ଥାଉ କି ମଇ ୨୯ ତାରିଖ ପଞ୍ଜାବର ମନସା ନିକଟ ଜବାହରକେ ଗାଁରେ ମୋସେୱାଲାଙ୍କୁ ଗୁଳି କରି ହତ୍ୟା କରାଯାଇଥଲା। ମୋସେୱାଲା ଏବଂ ତାଙ୍କର ଦୁଇ ବନ୍ଧୁ ପଞ୍ଜାବର ନିଜ ଗ୍ରାମ ମାନସା ଅଭିମୁଖେ ଯାଉଥିବାବେଳେ ଏହି ଆକ୍ରମଣ ହୋଇଥିଲା। କାନାଡ଼ାରେ ରହୁଥିବା ଗ୍ୟାଙ୍ଗଷ୍ଟର ଗୋଲ୍ଡି ବ୍ରାର ଓ ତିହାର ଜେଲରେ ବନ୍ଦ ଥିବା ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ମିଶି ସିଦ୍ଧୁଙ୍କୁ ହତ୍ୟା କରିବାର ଯୋଜନା କରିଥିଲେ।
