ଚନ୍ଦ୍ରଶେଖରପୁର: ଶିଖରଚଣ୍ଡୀ ପାହାଡ଼ରେ ନିର୍ମାଣାଧୀନ ପାନୀୟ ଜଳ ସଂରକ୍ଷଣ ପ୍ରକଳ୍ପ ପୁଣି ଝୁଲିଲା। ପାହାଡ଼ କାଟି ପ୍ରକଳ୍ପ ନିର୍ମାଣ ବିରୋଧରେ ନ୍ୟାସ୍ନାଲ ଗ୍ରିନ୍ ଟ୍ରିବ୍ୟୁନାଲ (ଏନ୍ଜିଟି)ରେ ଚାଲିଥିବା ମାମଲାର ଶୁଣାଣି ଆଜି ଚୂଡ଼ାନ୍ତ ହୋଇପାରିଲା ନାହିଁ। ପୁଣିଥରେ ସେପ୍ଟେମ୍ବର ୧୧କୁ ଶୁଣାଣି ଘୁଞ୍ଚିଛି। ସେପର୍ଯ୍ୟନ୍ତ କାର୍ଯ୍ୟ ବନ୍ଦ ରଖିବାକୁ ଏନ୍ଜିଟି ନିର୍ଦ୍ଦେଶ ଦେଇଛନ୍ତି। ମା’ ଶିଖରଚଣ୍ଡୀ ଆଞ୍ଚଳିକ ସୁରକ୍ଷା ସମିତି ପକ୍ଷରୁ ଅଭିଯୋଗ କରାଯାଇଛି ଯେ ରାଜ୍ୟ ସରକାର ଗଛ ଲଗେଇବା ଓ ବିକାଶ ନାମରେ ପୁରୁଣା ଗଛ କାଟୁଥିବାର ଦେଖାଦେଇଛି। ରାତି ଅଧରେ ମେସିନ୍ ଲଗେଇ ପାହାଡ଼ ପାଦଦେଶକୁ ସଫା କରାଯାଇଛି। ଆଗାମୀ ଶୁଣାଣି ସମୟରେ ସମିତି ଏନେଇ ଲିଖିତ ଅଭିଯୋଗ କରିବ। ଗଛ ଲଗେଇବାକୁ ସମିତି ପକ୍ଷରୁ କୌଣସି ବିରୋଧ କରାଯାଇ ନାହିଁ। ବନ ବିଭାଗ ସହ ମିଶି ଗଛ ଲଗାଯାଇଛି। ବିଡିଏ ଓ ୱାଟ୍କୋ ଯେଉଁ ଜାଗାରେ ଜଙ୍ଗଲ କାଟିଛି, ସେଠାରେ ଗଛ ଲଗାଯାଉନି। ପାହାଡ଼ ଚାରିପଟେ ଗଛ ଲଗାଯାଉଥିଲେ ମଧ୍ୟ ଉପରେ ଲଗାଯାଉ ନାହିଁ। ଏହା ବିରୋଧରେ ଆଗାମୀ ଦିନରେ ଆନ୍ଦୋଳନ କରାଯିବ ବୋଲି ସମିତି ପକ୍ଷରୁ ଚେତାବନୀ ଦିଆଯାଇଛି।
ଶିଖରଚଣ୍ଡୀ ପାହାଡ଼ର ଜୈବ ବିବିଧତା ନଷ୍ଟ ପ୍ରସଙ୍ଗ : ଘୁଞ୍ଚିଲା ଶୁଣାଣି
Share Now: