କୋରାପୁଟ: ଦାମନଯୋଡି ଥାନା ଅନ୍ତର୍ଗତ କଳାହାଣ୍ଡି କଲୋନି ଯୁବକ ସୁନୀଲ ନାୟାରଙ୍କୁ ମହାଙ୍ଗା ପଡିଛି ସରକାରୀ ହସ୍ପିଟାଲରେ ପ୍ରବେଶ କରି ମାରଣାସ୍ତ୍ର ଧରି ମାରପିଟ୍ କରିବା। କୋରପୁଟ ଏସଡିଜେଏମର ବିଚାରପତି ଶ୍ରୀଚନ୍ଦନ ଦାଶ ମଙ୍ଗଳବାର ଏହି କଲୋନିର ଯୁବକକୁ ୫ ବର୍ଷ ୬ମାସ ଯାଏ ଦଣ୍ତାଦେଶ ଶୁଣାଇଛନ୍ତି। ଏଥି ସହିତ ଜରିମାନା ଅନାଦେୟ ହେଲେ ଅଧିକ ୬ ମାସ ଦଣ୍ଡ ଭୋଗିବେ ବୋଲି ଏପିପି ପ୍ରମୋଦ କୁମାର ପାଢୀ ସୂଚନା ଦେଇଛନ୍ତି।
ମିଳିଥିବା ସୂଚନା ମୁତାବକ ଗତ ମଇ ମାସ ୨୩ ତାରିଖରେ ମାଥାଲପୁଟ ସିଏଚସି ମଧ୍ୟକୁ ପ୍ରବେଶ କରିଥିଲା ସୁନୀଲ ନାୟାର। ଏକ ଖଣ୍ଡା ଧରି ନର୍ସ ଓ କାର୍ଯ୍ୟରତ ରହିଥିବା କର୍ମଚାରୀଙ୍କୁ ଆକ୍ରମଣ କରିଥିଲା। ଏନେଇ ମେଡିକାଲ ଅଫିସର ଡାକ୍ତର ଜ୍ଞାନ ପ୍ରକାଶ ବିଷୋୟୀ ଥାନାକୁ ଜଣାଇବା ସହ ଅଭିଯୋଗ କରିଥିଲେ। ଅଭିଯୋଗକୁ ଭତ୍ତି କରି ପୁଲିସ ଉକ୍ତ ଯୁବକଙ୍କୁ ଗିରଫ କରିଥିଲା। ଏହାସହ ଚାର୍ଜସିଟ ଦାଖଲ କରିବା ସହ ବିଚରଣା ଆରମ୍ଭ ହୋଇଥିଲା। କୋର୍ଟ ୬ଜଣ ସାକ୍ଷୀଙ୍କ ସାକ୍ଷ୍ୟକୁ ଗ୍ରହଣ କରି ଏହି ରାୟ ପ୍ରକାଶ କରିଛନ୍ତି।
