ମଣିପୁର: ମଣିପୁରରେ ପୁଣି ଦେଖାଦେଇଛି ହିଂସାର ପରିବେଶ। ମଣିପୁରର ବିଷ୍ଣୁପୁର ଓ ଥୌବାଲ୍ ଜିଲ୍ଲାରେ ଘଟିଛି ଏକ ଭୟଙ୍କର ଗୁଳିକାଣ୍ଡ। ବିଷ୍ଣୁପୁର ଜିଲ୍ଲାର କୁମ୍ଭି ଓ ଥୌବାଏ୍ ଜିଲ୍ଲାର ଓାଙ୍ଗୁ ମଧରେ ଏହି ଗୁଳିକାଣ୍ଡ ଘଟିଥିବା ସୂଚନା ରହିଛି। ସେଠାକୁ ଅଦା ଅମଳ କରିବାକୁ ଯାଇଥିବା ୪ଜଣ ବ୍ୟକ୍ତି ନିଖୋଜ ହୋଇଛନ୍ତି ବୋଲି ରିପୋର୍ଟରେ ପ୍ରକାଶ ପାଇଛି। ଘଟଣାରେ ନିଖୋଜ ହୋଇଥିବା ୪ ଜଣ ବ୍ୟକ୍ତି ହେଲେ ଓଇନାମ ରୋମେନ ମେଇତେଇ (୪୫), ଅହନତେମ ଦରା ମେତେଇ (୫୬), ଥଉଦାମ ଇବୋମଚା ମେତେଇ (୫୩) ଓ ଥଉଦାମ ଆନନ୍ଦ ମେତେଇ (୨୭)। ଘଟଣାପରେ କୁମ୍ଭି ପୁଲିସ୍ ଥାନାରେ ନିଖୋଜ ଅଭିଯୋଗ ଦାଖଲ ହୋଇଛି। ଏହା ପୂର୍ବରୁ ଜାନୁୟାରି ୧ ତାରିଖରେ କିଛି ଅଜଣା ଓ ସ୍ଥାନୀୟ ଥୌବାଲ୍ ଲିଲୋଙ୍ଗ ଅଞ୍ଚଳରେ ଲୋକଙ୍କ ମଧ୍ୟରେ ମାଡଗୋଳ ଦେଖିବାକୁ ମିଳିଥିଲା। ପୁଲିସ୍ କହିବା ଅନୁଯାୟୀ ସେହି ମାଡ଼ଗୋଳରେ ୪ ଜଣଙ୍କର ମୃତ୍ୟୁ ହୋଇଥିଲା।
ଗତବର୍ଷ ମେ ମାସରେ କୁକି ଓ ମେତେଇ ସଂପ୍ରଦାୟ ଲୋକଙ୍କ ଭିତରେ ହୋଇଥିବା ଘଟଣାରେ ୧୮୦ଜଣଙ୍କ ମୃତ୍ୟୁ ହେବାର ଗତ କିଛି ମାସ ଭିତରେ କ୍ରମାଗତ ହିଂସାକାଣ୍ଡ ଘଟିଚାଲିଛି। ରାଜ୍ୟର ପାହାଡିଆ ଜିଲ୍ଲାଗୁଡିକରେ ‘ଆଦିବାସୀ ଏକତା ପଦଯାତ୍ରା’ ଆରମ୍ଭ କରାଯିବା ପରେ ଏସଟି ମାନ୍ୟତା ଦାବିରେ ମେତେଇ ସଂପ୍ରଦାୟଙ୍କୁ ବିରୋଧ ନେଇ ଏହି ସଂଘର୍ଷ ଆରମ୍ଭ ହୋଇଥିଲା। ହିଂସାକାଣ୍ଡ ପୂବରୁ ସଂରକ୍ଷିତ ଜଙ୍ଗଲ ଜମିରୁ କୁକି ଗ୍ରାମବାସୀଙ୍କୁ ଉଚ୍ଛେଦକୁ ନେଇ ଲୋକଙ୍କ ମଧ୍ୟରେ ଉତେଜନା ପ୍ରକାଶ ପାଇଥିଲା, ଯାହାଫଳରେ ପରେ ଏକାଧିକ ଛୋଟ ଛୋଟ ଆନ୍ଦୋଳନ ଦେଖାଦେଇଥିଲା।
