ବାରଣାସୀ: ଜାଲ୍ ଅସ୍ତ୍ରଶସ୍ତ୍ର ଲାଇସେନ୍ସ ମାମଲାରେ ଗ୍ୟାଙ୍ଗଷ୍ଟର ମୁଖତାର ଅନସାରୀ ଦୋଷୀ ସାବ୍ୟସ୍ତ ହୋଇଛି। ବାରଣାସୀର ଏମପି-ଏମଏଲଏ କୋର୍ଟ ତାକୁ ଦୋଷୀ ସାବ୍ୟସ୍ତ କରାଯାଇଛି। ବୁଧବାର ଏହାର ଦଣ୍ଡାଦେଶ ଶୁଣାଯିବ। ଏହି ଜାଲ୍ ବନ୍ଧୁକ ଲାଇସେନ୍ସ ମାମଲାଟି ୩୬ ବର୍ଷ ପୁରୁଣା। ମୁଖତାର ଅନସାରୀ ତତକାଳୀନ ଜିଲ୍ଲାପାଳ ଓ ଏସପିଙ୍କ ଦସ୍ତଖତକୁ ଜାଲ କରି ବନ୍ଧୁକ ଲାଇସେନ୍ସ ହାସଲ କରିଥିଲେ। ଏହି ମାମଲାର ଶୁଣାଣି ସମୟରେ ମାଫିଆ ମୁକ୍ତାର ଅନସାରୀକୁ ଭିଡିଓ କନଫରେନ୍ସିଂ ଜରିଆରେ ବଣ୍ଡା ଜେଲରୁ ହାଜର କରାଯାଇଥିଲା।
ଗତ ଫେବୃଆରୀ ୨୭ ତାରିଖରେ ସ୍ୱତନ୍ତ୍ର ବିଚାରପତି ଅବନୀଶ କୁମାର ଗୌତମଙ୍କ ଅଦାଲତରେ ଶେଷ ଶୁଣାଣି ହୋଇଥିଲା, ଯେଉଁଥିରେ ଉଭୟ ପକ୍ଷର ଯୁକ୍ତି ଶେଷ ହୋଇଥିଲା। ଏହାପରେ କୋର୍ଟ ମାର୍ଚ୍ଚ ୧୨ରେ ରାୟ ଶୁଣାଇବାକୁ ନିଷ୍ପତ୍ତି ନେଇଥିଲେ, କିନ୍ତୁ ଆଜି କୋର୍ଟ ମୁଖତାରଙ୍କୁ ଦୋଷୀ ସାବ୍ୟସ୍ତ କରିଥିଲେ ମଧ୍ୟ ଆସନ୍ତାକାଲି ପର୍ଯ୍ୟନ୍ତ ନିଷ୍ପତ୍ତି ସ୍ଥଗିତ ରଖିଛନ୍ତି। ଡିସେମ୍ବର ୪, ୧୯୯୦ରେ ମହମ୍ମଦାବାଦ ଥାନାରେ ତତ୍କାଳୀନ ଉପଜିଲ୍ଲାପାଳ ମୁଖତାର ଅନସାରୀ ଏବଂ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଥିଲା। ଶୁଣାଣି ସମୟରେ ଗୌରୀଶଙ୍କର ଶ୍ରୀବାସ୍ତବଙ୍କ ମୃତ୍ୟୁ ଘଟିଥିବା ବେଳେ ପୂର୍ବତନ ସିଏସ୍ ଆଲୋକ ରଞ୍ଜନ ଓ ପୂର୍ବତନ ଡିଜିପି ଦେବରାଜ ନାଗର ମଧ୍ୟ ଏହି ମାମଲାରେ ବୟାନ ରେକର୍ଡ କରିଥିଲେ।
