କାଲିଫର୍ଣ୍ଣିଆ: ନବଜାତ ଶିଶୁ ପାଇଁ ମା’ର କ୍ଷୀର ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସ୍ତନ୍ୟପାନ ଶିଶୁକୁ ସମସ୍ତ ଆବଶ୍ୟକୀୟ ପୁଷ୍ଟିକର ଖାଦ୍ୟ ଦେବା ସହ ରୋଗ ପ୍ରତିରୋଧକ ଶକ୍ତି ବଢ଼ାଇଥାଏ। କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ଖବର ଜଣାଇବୁ ଯେତେବେଳେ ମା’ର କ୍ଷୀର ଶିଶୁ ପାଇଁ ବିଷ ପାଲଟିଯାଇଛି। ଆମେରିକାରୁ ଏଭଳି ଏକ ଖବର ସାମ୍ନାକୁ ଆସିଛି। ଯେଉଁଠାରେ ଏକ ନବଜାତ ଶିଶୁ ନିଜ ମା’ର କ୍ଷୀର ପିଇବା କାରଣରୁ ମୃତ୍ୟୁ ଘଟିଛି। ଅଭିଯୋଗ ହୋଇଛି ଯେ ଏହି ମହିଳା ଜଣକ ଡ୍ରଗ୍ସ ସେବନ କରିବା ପରେ ଶିଶୁକୁ ସ୍ତନ୍ୟପାନ କରାଇଥିଲେ, ଯାହା ଫଳରେ ଶିଶୁର ମୃତ୍ୟୁ ଘଟିଛି। ମିଳିଥିବା ସୂଚନା ମୁତାବକ ଆମେରିକାର ନ୍ୟୁ ଅର୍ଲିଅନରେ ରହୁଥିବା ୩୧ ବର୍ଷୀୟ ଆଟମ ବ୍ଲାନସେଟଙ୍କ ନାମରେ ଅଭିଯୋଗ ହୋଇଛି ଯେ ନିଜ ତିନି ମାସର ଶିଶୁର ମୃତ୍ୟୁ ପାଇଁ ଆଟମ ହିଁ ଦାୟୀ। ଗଣମାଧ୍ୟମ ରିପୋର୍ଟ ଅନୁଯାୟୀ, ଶିଶୁର ମୃତ୍ୟୁ ଅଭିଯୋଗ ଆସିବା ପରେ ମା ଆଟମ ବ୍ଲାନସେଟଙ୍କ ପରୀକ୍ଷା କରାଯାଇଥିଲା। ଆଉ ତାଙ୍କ ଶରୀରରୁ ବହୁ ପରିମାଣର ମିଥାମଫେଟାମାଇନ୍ ନାମକ ଡ୍ରଗ୍ସର ବହୁ ମାତ୍ରା ମିଳିଥିଲା। ଡିସେମ୍ବର ୧୧ ରେ, ଟକ୍ସିକୋଲୋଜି ରିପୋର୍ଟ ସାମ୍ନାକୁ ଆସିବା ପରେ ତାଙ୍କୁ ଗିରଫ କରାଯାଇଛି। ପୁଲିସର ପଚରାଉଚୁରାରେ ଆଟମ ଡ୍ରଗ୍ସ ସେବନ କରିଥିବାର ସ୍ୱୀକାର କରିଛନ୍ତି।
